“Ko Tamanui koa”
Ki roto i Te Tairāwhiti ko te whitinga mai o te rā tērā e tohu ana i tētahi rangi hou nā Māui tonu i here i te rere a tōna patu kia tōmuri ai te rā. Ki roto i te ao Māori, ko Tamanui-te-rā te putanga ki te whai ao ki te ao marama ka mutu, nā Tāne tonu ia i iri ki te ātea. Engari ki a mātou o Ngaariki Kaiputahi, he tipuna a Tamanui. He rangatira ia i ngā wā o te pakanga. Nānā tōna iwi i ārahi ki runga o Areoma. I ngā wā o te matewai i herea tōna uma ka heke ai ki te kohi wai hei whāngai i te iwi.
Nō te wehenga o Rangi rāua ko Papa, tae noa ki ngā mahi rongonui a Māui, ki te rangatira anō hoki o Ngaariki Kaiputahi, ko Tamanui te tohu o te ora, te māramatanga, te manaakitanga me te kaitiakitanga. Ko ia te whakatinanatanga o te kōrero‘He Atua, He Tangata’.